Янги Зеландия ёшлар терма жамоаси ЖЧга тайёргарликни бошлади. Улар бир қатор ўртоқлик учрашувларида майдонга тушишни режалаштиришган. Режага кўра, жамоа 10 инюь куни Сиднейда Австралия терма жамоаси билан, шундан сўнг Туркияда 13 июнь куни Ироқ, 17 июнь куни Миср ёшлар терма жамоаларига қарши ўртоқлик ўйинини ўтказишади. Янги Зелендия ЖЧни Ўзбекистонга қарши баҳс билан бошланади.

Шу йилнинг март ойида Фижида Ёшлар ўртасидаги қитъа чемпионатида Дейл Хигам фаоллиги билан алоҳида ажралиб турганди.

"Фижида бўлиб ўтган мусобақадаги иштирокимиздан қониқиш ҳосил қилдим. Лекин мусобақа давомида ҳамиша гол ўтказиб юборишимиз мумкинлиги ҳақидаги хавотир бўлди. Ҳеч нарса кафолатланмаган, дейди Хигам.

Хигам ЖЧга бўлган ўртоқлик ўйинларида ўзини кўрсатиб, ЖЧ пайтида асосий таркибда ҳаракат қилиш бахтига сазовор бўлишни мақсад қилган. Шундай бўлса, у ҳа бир баҳсда ғалаба учун ҳаракат қилади.

"Олдимизда турган ўйинлар муҳим аҳамиятга эга. Бу ўйинларда етарлича ўйин амалиётига эга бўлиб, ЖЧнинг гуруҳ босқичи ўйинларида майдонга тушишни истайман. Захирада ўтириб ўйинни кузатиш мен учун оғир", дейди футболчи.

Янги Зеландия терма жамоасининг гуруҳдан чиқиш имкониятлари ҳақида гапириш қийинлигини Хигам таъкидлаб ўтди.

"Бундай ёш тоифасида жамоалар йилдан йилга ўзгариши мумкин. Масалан, Ўзбекистон каби жамоалар ривожланаётганини тахмин қилиш мумкин. Лекин биз ЖЧда бошқа жамоаларнинг ўйинидан кўра, ўз ўйинимиз ҳақида кўпроқ бош қотиришимиз керак", дейди Дейли Хигам.