"Реал Мадрид" бош мураббийи Карло Анчелотти жамоанинг жорий мавсумдаги кадрлар муаммолари ҳақида гапирди.
"Кўриб турганингиздек, сабр-тоқат билан вазият аста-секин яхшиланади. Алаба қайтишга яқин қолганидан хурсандмиз.
Жамоада ротация кам бу ҳақиқат. Менда ўйинчилар бўлса ротация қила оламан, лекин сизда 14-15 ўйинчи бўлса, бу жуда қийин. Баъзи ёш футболчиларни жамоа ёмон ишлаётган пайтда олиб келиш фойда келтирмайди. Эндрик ҳақида кўп гапирилади, мен унга дақиқалар бермайман, бла бла бла, лекин у мослашиши ва ўрганиши керак бўлган жуда ёш футболчи. Унга кўп вақт бериш самарасиз бўлиши мумкин. Бу ёрдам бермаслиги мумкин, балки зарар етказиши мумкин", - деди Анчелотти журналистларга.
Шанба куни "Реал Мадрид" Ла Лигада "Райо Вальекано" билан ўйнайди.
