Мадриднинг «Реал» клуби дарвозабони Тибо Куртуага янги шартнома таклиф қилмоқчи.

Бельгиялик футболчининг шартномаси бир ярим йилдан кейин тугайди, аммо «қироллик клуби» дарвозабондан мамнун ва у билан янги шартнома имзолашга тайёр. Инсайдер Фабрицио Романонинг сўзларига кўра, клуб раҳбарияти Куртуа билан шартномани 2025 йилда узайтириш ниятида - «Реал Мадрид» Тибони дунёнинг энг яхши дарвозабони деб билади. Саудия Арабистони чемпионати вакиллари «қаймоқранглилар» дарвозабонига бир неча йиллардан буён қизиқиш билдиришмоқда, бироқ ҳозирча аниқ таклифлар йўқ.

Тибо Куртуа 2018 йилдан бери «Реал» шарафини ҳимоя қилиб келмоқда. Жорий мавсумда у 18 та ўйин ўтказиб, 16 та гол ўтказиб юборган.