Машҳур француз ярим ҳимоячиси Поль Погба ижтимоий тармоқларда сирли пост қолдирди. У учта "смайлик" жойлаштирди: қум соати, оғзи ёпиқ ва кўз қисаётган юз.
RMC Sport журналистларининг фикрича, футболчи шу тарзда ўзининг яқин орада амалга ошадиган трансферига ишора қилган. Илгари матбуотда Поль ўз фаолиятини "Марсель"да давом эттириши мумкинлиги ҳақида хабар берилганди.
Эслатиб ўтамиз, ҳозирда ярим ҳимоячи тақиқланган моддаларни қўллагани учун дисквалификация муддатини ўтамоқда. 31 ёшли ўйинчи келаси йилнинг март ойида футбол майдонига қайтиши мумкин бўлади.
