"Арсенал" бош мураббийи Микель Артета Рахим Стерлинг кам ўйин амалиёти олаётгани ҳақида фикр билдирди.
"Стерлингга кўпроқ вақт бермаганимни қабул қилиш мен учун қийин. Рахим майдонга тушмаётган пайтда қилган ўзгаришларимнинг 90 фоизи вақтни тежаш, жароҳатлар билан боғлиқ ёки жароҳатлардан қочиш эди. Булар тактик сабаблар эмас эди. Мен Стерлингни кўпроқ ўйнашни истардим, чунки у жамоага яхши таъсир ўтказа олади деб ўйлайман. У кийиниш хонасида жуда яхши ва у ўйнашни жуда хоҳлайди", деди Артета журналистларга.
"Арсенал" шанба куни "Эвертон"га қарши АПЛ доирасидаги ўйинни ўтказади.
