Истанбулнинг “Галатасарой” клуби жорий мавсум охиригача “Наполи”дан ижарага олинган нигериялик марказий ҳужумчи Виктор Осимхенга ўринбосар қидирмоқда. Бу ҳақда Teamtalk хабар бермоқда.
Манбага кўра, Осимхен мавсуми якунланганидан кейин фаолиятини "Манчестер Юнайтед"да давом эттириши мумкин. Нигериялик футболчи ўрнига "Галатасарой" Лондоннинг "Тоттенхэм" клуби ҳужумчиси Сон Хён Минни таклиф қилишни режалаштирмоқда.
Кореялик футболчининг трансфер нархи 45 миллион еврога баҳоланмоқда. Унинг "шпорлар" билан шартномаси 2025 йилнинг ўрталарига қадар тузилган. Жорий мавсумда Сон 17 та учрашувда иштирок этиб, 5 та гол ва 4 та голли узатмага муаллифлик қилди.
