Istanbulning “Galatasaroy” klubi joriy mavsum oxirigacha “Napoli”dan ijaraga olingan nigeriyalik markaziy hujumchi Viktor Osimxenga o‘rinbosar qidirmoqda. Bu haqda Teamtalk xabar bermoqda.
Manbaga ko‘ra, Osimxen mavsumi yakunlanganidan keyin faoliyatini "Manchester Yunayted"da davom ettirishi mumkin. Nigeriyalik futbolchi o‘rniga "Galatasaroy" Londonning "Tottenxem" klubi hujumchisi Son Xyon Minni taklif qilishni rejalashtirmoqda.
Koreyalik futbolchining transfer narxi 45 million yevroga baholanmoqda. Uning "shporlar" bilan shartnomasi 2025 yilning o‘rtalariga qadar tuzilgan. Joriy mavsumda Son 17 ta uchrashuvda ishtirok etib, 5 ta gol va 4 ta golli uzatmaga mualliflik qildi.
