UFC президенти Дана Уайт ташкилотнинг оғир вазн тоифаси чемпиони Жон Жонс ҳамда вақтинчалик чемпион Том Аспиналл тўқнашуви ҳақида гапирди.
"Бу жанг 100% ташкил этилади деб айта оламан. Ўйлайманки, бу оғир вазн тарихидаги энг катта жанг бўлади, бундан ташқари, у промоушен тарихидаги энг яхши жанглардан бири бўлиши кутилмоқда. Бу катта жанг", дея Уайтнинг сўзларидан иқтибос келтиради MMA Junkie нашри.
Аспиналл сўнгги жангини июль ойида Кёртис Блейдсга қарши ўтказиб, нокаут орқали ғалаба қозонганди. Жонс эса ноябрь ойида Стипе Миочични техник нокаут билан мағлуб этиб, камарни ўзида сақлаб қолди.
