"Барселона" Ла Лиганинг 18-турида "Леганес"га сенсацион тарзда мағлуб бўлди (0:1). Биринчи бўлимда каталонияликларнинг испаниялик вингери Ламин Ямал жароҳат олди. Футболчи жароҳат олганига қарамай, учрашувни давом эттирди.
RAC1 хабарига кўра, испаниялик футболчининг тўпиғи чўзилиши ташхиси қўйилган. Футболчи катта эҳтимол билан "Атлетико"га қарши ўйнамайди. Тахминан тикланиш муддати икки ҳафта.
Испания чемпионатининг 18 ўйинидан сўнг “Барселона” 38 очко жамғариб, турнир жадвалида пешқадамлик қилмоқда. “Атлетико Мадрид”да ҳам шунча очко бор. Кейинги турда "Барселона" ва "Атлетико" ўзаро баҳс олиб боради.
