«Зальцбург» бош мураббийи Пеп Лейндерс истеъфога чиқарилди, деб хабар бермоқда клуб расмий сайти. Унинг ёрдамчиси Витор Матос ҳам истеъфога чиқади.

41 ёшли Лейндерс 1 июль куни «Зальцбург»ни қабул қилиб олган эди. Бунгача нидерландиялик мутахассис «Ливерпуль»да Юрген Клоппнинг ёрдамчиси бўлган.

Унинг бошчилигида жамоа саралашнинг плей-офф босқичида «Динамо»ни мағлуб этиб (2:0, 1:1) Чемпионлар лигасига йўл олди.

Австрия чемпионатида «Зальцбург» 26 очко билан 5-ўринда бормоқда. «Штурм» 10 очко кўпроқ тўплаган ҳолда пешқадамлик қилмоқда. Чемпионлар лигасида эса клуб 3 очко билан 32-ўринни эгаллаб турибди.