"Барселона" Ла Лига турнир жадвалида пешқадамлик қилмоқда, аммо "Атлетико" ва "Реал Мадрид" захирасида биттадан ўйин бор ва улар каталонияликлардан олдинга ўтиш учун ажойиб имкониятга эга.
Статистик маълумотлар шуни кўрсатадики, "Барселона" чемпионлик учун энг юқори имкониятга эга эмас.
Дастлабки 18 турда "кўк-анорранглилар" 4 та мағлубиятга учради. Opta хабарига кўра, Ла Лига тарихида биринчи 18 турда тўрт ва ундан ортиқ мағлубиятга учраган жамоа 2 мартагина чемпион бўлган.
Бу узоқ ўтмишда содир бўлган. "Валенсия" 1941/42 ва 1946/47 мавсумида шунга ўхшаш ҳолатда чемпионликни қўлга киритган.
