"Barselona" La Liga turnir jadvalida peshqadamlik qilmoqda, ammo "Atletiko" va "Real Madrid" zaxirasida bittadan o‘yin bor va ular kataloniyaliklardan oldinga o‘tish uchun ajoyib imkoniyatga ega.
Statistik ma’lumotlar shuni ko‘rsatadiki, "Barselona" chempionlik uchun eng yuqori imkoniyatga ega emas.
Dastlabki 18 turda "ko‘k-anorranglilar" 4 ta mag‘lubiyatga uchradi. Opta xabariga ko‘ra, La Liga tarixida birinchi 18 turda to‘rt va undan ortiq mag‘lubiyatga uchragan jamoa 2 martagina chempion bo‘lgan.
Bu uzoq o‘tmishda sodir bo‘lgan. "Valensiya" 1941/42 va 1946/47 mavsumida shunga o‘xshash holatda chempionlikni qo‘lga kiritgan.
