Тез орада Европа жамоалари ўртасида янги турнир бошланади.
Аввалроқ, Европа Суперлигаси Бирлашган лига номи билан қайта йўлга қўйилиши ҳақида маълумотлар пайдо бўлганди.
Журналист Бен Жейкобснинг сўнгги маълумотларига кўра, тўрт дивизионга бўлинган турнирда Европанинг жами 96 та клуби иштирок этади. Юлдуз ва олтин дивизионларда 16 тадан, кўк ва умумий бўлимларда эса 32 тадан жамоа иштирок этади.
Таъкидланишича, ҳар бир жамоа гуруҳ босқичида саккизтадан ўйин ўтказади ва барча ўйинлар ҳамма учун бепул трансляция қилинади.
Бирлашган лига (собиқ Суперлига) 2025 йилнинг сентябрида бошланиши мумкинлиги аввалроқ хабар қилинганди.
