Tez orada Yevropa jamoalari o‘rtasida yangi turnir boshlanadi.
Avvalroq, Yevropa Superligasi Birlashgan liga nomi bilan qayta yo‘lga qo‘yilishi haqida ma’lumotlar paydo bo‘lgandi.
Jurnalist Ben Jeykobsning so‘nggi ma’lumotlariga ko‘ra, to‘rt divizionga bo‘lingan turnirda Yevropaning jami 96 ta klubi ishtirok etadi. Yulduz va oltin divizionlarda 16 tadan, ko‘k va umumiy bo‘limlarda esa 32 tadan jamoa ishtirok etadi.
Ta’kidlanishicha, har bir jamoa guruh bosqichida sakkiztadan o‘yin o‘tkazadi va barcha o‘yinlar hamma uchun bepul translyasiya qilinadi.
Birlashgan liga (sobiq Superliga) 2025 yilning sentyabrida boshlanishi mumkinligi avvalroq xabar qilingandi.
