Кеча, 16 декабрь куни "Бенфика" ўзининг расмий сайтида Томаш Араухо клуб билан шартномасини яна бир йилга узайтирганини эълон қилди. Янги шартнома 2029 йилгача мўлжалланган.
Инсайдер Фабрицио Романо таъкидлаганидек, 22 ёшли португалиялик марказий ҳимоячининг шартномасида хориж клублари учун товон пули 80 миллион евро қилиб белгиланган.
Жорий мавсумда Томаш Араухо клуб миқёсида 17 та ўйинда қатнашиб, битта голли узатмани амалга оширди.













