"Барселона" бош мураббийи Ханс-Дитер Флик мавсумнинг биринчи ярмидаги устувор вазифаларини белгилаб олган эди.

Германиялик мутахассис ва унинг мураббийлар штаби мавсумнинг биринчи ярмида Чемпионлар лигасидаги муваффақиятли ўйинга умид қилганди, деб хабар беради Diario Sport. Энг нуфузли еврокубокнинг умумий босқичида кучли саккизликка кириш, бу уларга плей-оффнинг дастлабки босқичида иштирок этмасдан тўғридан-тўғри 1/8 финалга чиқиш имконини берадиган устувор вазифа эди.

Олти турдан кейин "Барселона" 15 очко билан турнир жадвалида фақат "Ливерпуль"дан (18) ортда қолган ҳолда иккинчи ўринда бормоқда.

Ла Лигада "блауграна" ҳозирда 38 очко билан пешқадамлик қилмоқда, аммо "Атлетико" (38) ва "Реал" (37) ҳисобида биттадан ўйин бор.