Испания терма жамоаси бош мураббийи Луис де ла Фуэнте ФИФА томонидан йилнинг энг яхши футболчиси соврини учун ўтказилган овоз беришда "Манчестер Сити" ярим ҳимоячиси ва "Олтин тўп" соҳиби Родрини иккинчи ўринга қўйди.

Биринчи қаторга испаниялик мутахассис "Реал" ҳимоячиси Даниэль Карвахални жойлаштирди. Де ла Фуэнте "Барселона"нинг 17 ёшли вингери Ламин Ямални учинчи ўринга қўйди. Бу ҳақда ФИФА сайти хабар бермоқда.

Овоз бериш натижаларига кўра, Родри 43 очко билан иккинчи ўринни эгаллади. Карвахаль ўз навбатида тўртинчи ўринда қолди.

Бундан ташқари, Испания терма жамоаси устози де ла Фуэнте тўққиз очко билан ФИФА талқинига кўра 2024 йилнинг энг яхши тўртинчи мураббийига айланди.