Мадриднинг “Реал” клуби бош мураббийи Карло Анчелотти бугун, 18 декабрь куни бўлиб ўтадиган “Пачука” билан қитъалараро кубок финал учрашуви олдидан “Лос-Бланкос” тарихидаги энг совриндор мураббий бўлиш мумкинлиги ҳақидаги саволга жавоб берди.
"Бу клуб билан бундай муваффақиятга эришиш мен учун муҳим. Ўйлайманки, мен яхши иш қилдим ва буни давом эттиришни хоҳлайман. Шубҳасиз, Мигель Муньос каби буюк мураббий билан солиштириш мен учун катта шарафдир", - дея Анчелотти сўзларини келтиради Marca.
Шу кунгача Анчелотти "Реал" билан 14 та соврин ютган. 1954 йилдан 1974 йилгача "Лос-Бланкос"ни бошқарган Мигель Муньос ҳам худди шундай миқдорда соврин ютган.
