"Манчестер Юнайтед" ҳужумчиси Маркус Рэшфорд матбуотда баҳсли фикрларини билдирди. Ўзининг ютуқлари ҳақида гапирар экан, у ўзи хоҳлаган жойда эмаслигини айтди. Олдинроқ британияликнинг яқин орада "қизил иблислар"ни тарк этиши ҳақида миш-мишлар тарқала бошлаганди.
"Менинг энг катта ютуғим нима? Мен ҳали эришганим йўқ. Одамлар мен ҳақимда нима дейишмасин, менинг ўз орзуларим бор. Мен уларга қисман эришдим. Аммо мен ҳали ўзим хоҳлаган жойда эмасман", - дея Рэшфорд сўзларини келтиради журналист Генри Винтер.
ОАВда "Манчестер Юнайтед" Рэшфорддан ҳафсаласи пир бўлгани ва у билан хайрлашишга тайёрлиги ҳақида миш-мишлар тарқалди. Футболчига "Барселона", "ПСЖ" ва "Арсенал" клублари қизиқиш билдирмоқда.
