"Манчестер Сити" бош мураббийи Пеп Гвардиола Эрлинг Холандга келажакда "Реал"га ўтишни рад этишни маслаҳат берди.
Пепнинг фикрича, норвегиялик футболчи "Барселона" таклифини қабул қилгани маъқул. Ҳужумчининг жамоадоши, аввалроқ Каталония клубида ўйнаган Илкай Гюндоган ҳам худди шундай фикрда. Испания гигантлари ёзда Холандни ўзига жалб қилишни режалаштирмоқда.
Эрлинг Холанд "Ман Сити" сафида 121 та ўйин ўтказган. Уларда у 108 та гол урди ва 15 та голли узатмани амалга оширди. Футболчининг клуб билан тузилган меҳнат шартномаси 2027 йилнинг ёзига қадар амал қилади.
