Испания полицияси «Атлетико» ва «Хетафе» (1:0) ўртасидаги лига 17-туридан сўнг «Цивитас Метрополитано» стадиони яқинида тартибсизликлар уюштиргани учун 16 кишини ҳибсга олди, деб хабар бермоқда «Relevo».

Жамоалар ўйини 15 декабрь, якшанба куни бўлиб ўтди. Манбанинг таъкидлашича, учрашув якунида Мадрид клуби атрибутларида кийинган 16 ёшдан 25 ёшгача бўлган 16 киши Хитой бозорига бостириб кириб, ойнаванд витриналарни синдириб, эгаси ва бошқа ташриф буюрувчиларга таҳдид қилган. Тахминларга кўра, улар у ерда бошқа радикал мухлисларни қидиришган. Ҳодисага жами 50 га яқин киши жалб қилинган.

Ҳибсга олинган ёшларга нисбатан жамоат тартибини бузиш, зарар етказиш ва ноқонуний киришда айб эълон қилинди. Ҳозирда тергов ҳаракатлари давом этмоқда. Полиция қўлга олинганлар мухлислар клуби аъзолари ва қайси гуруҳга мансублигини аниқлашга ҳаракат қилмоқда.