Ispaniya polisiyasi «Atletiko» va «Xetafe» (1:0) o‘rtasidagi liga 17-turidan so‘ng «Sivitas Metropolitano» stadioni yaqinida tartibsizliklar uyushtirgani uchun 16 kishini hibsga oldi, deb xabar bermoqda «Relevo».

Jamoalar o‘yini 15 dekabr, yakshanba kuni bo‘lib o‘tdi. Manbaning ta’kidlashicha, uchrashuv yakunida Madrid klubi atributlarida kiyingan 16 yoshdan 25 yoshgacha bo‘lgan 16 kishi Xitoy bozoriga bostirib kirib, oynavand vitrinalarni sindirib, egasi va boshqa tashrif buyuruvchilarga tahdid qilgan. Taxminlarga ko‘ra, ular u yerda boshqa radikal muxlislarni qidirishgan. Hodisaga jami 50 ga yaqin kishi jalb qilingan.

Hibsga olingan yoshlarga nisbatan jamoat tartibini buzish, zarar yetkazish va noqonuniy kirishda ayb e’lon qilindi. Hozirda tergov harakatlari davom etmoqda. Polisiya qo‘lga olinganlar muxlislar klubi a’zolari va qaysi guruhga mansubligini aniqlashga harakat qilmoqda.