Жованни Ло Чельсо "Бетис"нинг асосий ўйинчиларидан бири. Аргентиналик футболчининг тажрибаси “Бетис”га чемпионатда ҳам, Конференциялар лигасида ҳам катта фойда келтирмоқда, аммо унинг хизматларига қизиқаётган клублар ҳам бор.
"Астон Вилла" 28 ёшли футболчини Унаи Эмери шахсий илтимосига кўра сотиб олмоқчи. “Вильярреал”да ишлаган вақтида унга устозлик қилган испаниялик мураббий инглиз клуби ярим ҳимоясини кучайтиришда аргентиналикнинг тажрибасига таямоқчи.
"Бетис" ёздаёқ "Астон Вилла" таклифини рад этган бўлса-да, Мончи ва Эмери умидларини узгани йўқ. Бу борада қишки трансфер ойнаси ҳал қилувчи бўлиши мумкин.
Жованни Ло Чельсо жорий мавсумда 13 та ўйинда майдонга тушиб, 8 та гол ва битта голли узатмага муаллифлик қилган.
