Эрон миллий терма жамоаси бош мураббийи Уммонга қарши бўлиб ўтган ўртоқлик учрашувидан (1:3) кейин терма жамоанинг янги, қисқартирилган рўйхатини эълон қилди. Янги рўйхатда 25 нафар футболчи қолди, кенгайтирилган рўйхатдан 10 нафар футболчи чиқариб ташланди.

Уммонга қарши ўйинда ҳаракат қилган Муҳаммад Нусратий, Пежман Нурий, Ризо Ҳақиқий, Бахтиёр Раҳмоний, Карим Ансорифард ва Муҳаммад Ғуломий ўчирилган сафига тушишди. Улар ўртоқлик ўйинида мураббийнинг ишончини оқлашмаган. Шунингдек, Уммон билан ўйинда майдонга тушмаган бўлса-да, Ҳамид Лак ва Амир Ҳусайн Фешангчи ҳам ўз уйига қайтариб юборилган. Операциядан кейин формага кира олмаган Меҳрдод Пўлодий ҳам рухсат берилган. "Фулхэм" футболчиси Ашкан Дежага жароҳатидан фориғ бўла олмагани учун терма жамоанинг олдинда турган 3та ўйини (4 июнь - Қатар, 11 июнь - Ливан, 18 июнь - Жанубий Корея)да ёрдам бера олмайди.

Эрон терма жамоаси 27 май, душанба куни Теҳронда Ироққа қарши ўртоқлик ўйинини ўтказади.

Эрон миллий терма жамоасининг ЖЧ-2014 саралаш баҳслари учун янги таркиби
Дарвозабонлар:
Раҳмон Аҳмадий - "Сайпа"
Суша Маканий - "Нафт"
Алиризо Ҳақиқий - "Рубин", Россия
Ҳимоячилар:
Хусро Ҳайдарий - "Истиқлол"
Ҳуссайн Маҳиний - "Персеполис"
Муҳаммад-Ризо Хонзода - "Персеполис"
Жалол Ҳуссайний - "Персеполис"
Пежман Мунтазарий - "Истиқлол"
Шожа Халилзода - "Мис Кармон"
Амир Ҳусайн Содиқий - "Истиқлол"
Эҳсон Ҳожисафий - "Сепоҳон"
Ҳошим Бейкзода - "Истиқлол"
Ярим ҳимоячилар:
Жавод Некунам - "Истиқлол"
Андраник Теймурян - Ал-Харитийат, Қатар
Умид Иброҳимий - "Сепоҳон"
Қосим Ҳадодифар - "Зоб-Оҳан"
Мужтаба Жабборий - "Истиқлол"
Муҳаммад Нури - "Персеполис"
Муҳсин Мусулмон - "Зоб-Оҳан"
Ҳужумчилар:
Маъсуд Шожаий - "Осасуна", Испания
Ғуломризо Ризоий - "Персеполис"
Муҳаммад-Ризо Халатбарий - "Сепоҳон"
Меҳрдод Оладий - "Малаван"
Ризо Ғучаннажод - "Стандард Льеж", Бельгия
Фарзод Ҳотамий - "Истиқлол"