"Ливерпуль" ҳимоячиси Трент Александр-Арнольд 2024/2025-йилги мавсум охирида жамоани тарк этиши мумкин. Охирги ҳафта ва ойларда миш-мишлар мерсисайдликлар клубининг тарбияланувчисини "Реал Мадрид" билан боғлашди. Трентнинг амалдаги шартномаси 2024/2025 йилги мавсум охиригача амал қилади.

"Ливерпуль"да Трентнинг ўрнига ҳозирда "Байер" шарафини ҳимоя қилаётган Жереми Фримпонг пайдо бўлиши мумкинлиги ҳақида гап бор. Бироқ бундай трансфер эҳтимоли пастлиги айтилмоқда. Sk6 Germany хабарига кўра, агар Александр-Арнольд кетса, "Ливерпуль" бош мураббийи анъанавий ўнг қанот ҳимоячиси билан шартнома имзолашни афзал кўради. Фримпонг кўпроқ ҳужумга йўналтирилган.