"Интер" ҳужумчиси Марко Арнаутович Италия кубоги 1/8 финалида "Удинезе"га қарши ўйинда (2:0) гол урди. Учрашувдан сўнг у клубда бахтли эканини айтиб ўтди.
"Биринчи навбатда ғалабадан хурсандман. Одатда Асслани билан захирада ўтирамиз, бугун ўйнадик ва иккаламиз ҳам гол урдик. Голимдан мамнунман. Олдинги давр мен учун унчалик осон бўлмади, лекин мен "Интер" футболчиси бўлиб қоламан, бу клуб учун ҳамма нарсани қилишни хоҳлайман. "Интер"ни қанчалик севишимни ҳамма билади", - дея Марко Арнаутовичнинг сўзларини келтиради fcinter1908.it.
