"Манчестер Юнайтед"нинг собиқ ҳимоячиси Яп Стам Роналдунинг рекордлари ҳақида гапирди. 

"Ҳамма унинг ажойиб профессионал эканлигини билади ва у жуда қаттиқ ишлашда, ажойиб жисмоний шаклда қолишда ва ўз жамоаси учун жуда муҳим бўлиб қолишда давом этмоқда.

Одамлар лига савияси пастлиги ҳақида гапиришади, лекин у ерда сифатли футболчилар кўп ва бу умуман осон эмас.

Унинг фаолияти давомида эришган ютуқларига қараганда, яқин 100 йил ичида буни ҳеч ким такрорлай олмайди.

У қанча вақт ўйнай олишини билмайман, аммо жиддий жароҳат каби бирор нарса содир бўлмагунча, у рекорд ўрнатишда давом этади деб ўйлайман. Бу жуда таъсирли", деди Стам.