"Челси" бош мураббийи Энцо Мареска "Эвертон" билан ўйиндан сўнг жамоанинг эҳтимолий биринчи ўринга чиқиб олиши ҳақида гапирди.
"Биз бир неча соат давомида мумкин бўлган устунликка эмас, балки ўйинга эътибор қаратишга ҳаракат қиламиз. Мен бошиданоқ футболчиларимни ўйинга диққатни жамлашга ва режага содиқ қолишга ишонтиришга ҳаракат қилдим.
Ўйлашимча, ғалабали серия бизга босим ўтказмаяпти. "Ливерпуль" бизнинг ўйинимиздан кейин иккита ўйин ўтказади ва "Эвертон" устидан қозонилган ғалабамиз уларга босим ўтказмайди деб ўйламайман", - деди Мареска.
"Кўклар" айни дамда пешқадам “Ливерпул”дан икки очко ортда қолиб, иккинчи ўринда бормоқда.
