"Chelsi" bosh murabbiyi Enso Mareska "Everton" bilan o‘yindan so‘ng jamoaning ehtimoliy birinchi o‘ringa chiqib olishi haqida gapirdi.
"Biz bir necha soat davomida mumkin bo‘lgan ustunlikka emas, balki o‘yinga e’tibor qaratishga harakat qilamiz. Men boshidanoq futbolchilarimni o‘yinga diqqatni jamlashga va rejaga sodiq qolishga ishontirishga harakat qildim.
O‘ylashimcha, g‘alabali seriya bizga bosim o‘tkazmayapti. "Liverpul" bizning o‘yinimizdan keyin ikkita o‘yin o‘tkazadi va "Everton" ustidan qozonilgan g‘alabamiz ularga bosim o‘tkazmaydi deb o‘ylamayman", - dedi Mareska.
"Ko‘klar" ayni damda peshqadam “Liverpul”dan ikki ochko ortda qolib, ikkinchi o‘rinda bormoqda.
