Ҳужумчи Маркус Рэшфорд бош мураббий Рубен Аморимнинг қарорига кўра, сўнгги ўйинларда "Манчестер Юнайтед" таркибига киритилмади. "Қизил иблислар" Рэшфорд атрофидаги вазият кескинлашиб бораётганидан хавотирда, айниқса у фаолиятида янги чақирувни ҳал қилишга тайёрлиги ҳақида гапирганидан кейин. The Sun нашри хабарига кўра, манкунианликлар 27 ёшли форвардни қишки трансфер ойнасида ижарага беришга тайёр.
Аммо муҳим шарт мавжуд. "Манчестер Юнайтед" Рэшфордни азалий рақибларига қўйиб юбормайди, яъни "Челси" ёки "Арсенал"га ўтиш ҳақида гап бўлиши мумкин эмас. Футболчини ҳозирда Испания, Франция ва Германия клублари кузатиб боришмоқда.
