"Манчестер Сити" ярим ҳимоячиси Илкай Гюндоган фаолиятини Италияда давом эттириши мумкин.

34 ёшли футболчининг "шаҳарликлар" билан шартномаси жорий мавсум охирида якунига етади. Transfer News Live нашрининг Fichajes нашрига таяниб хабар беришича, "Интер" июль ойида немис футболчисини эркин агент сифатида ўз сафига қўшиб олишни режалаштирган ҳолда, вазиятдан фойдаланишга тайёр.

Эслатиб ўтамиз, Илкай Гюндоган шу ёзда "Барселона"да ўтказган бир мавсумдан сўнг "Манчестер Сити"га қайтган эди. Англияга қайтгач, ярим ҳимоячи Хосеп Гвардиола жамоасида барча турнирларда 22 та ўйин ўтказиб, иккита гол урди ва битта голли узатмани амалга оширди.