"Ювентус" ярим ҳимоячиси Уэстон Маккенни жамоаси нималарни яхшилаши кераклигини айтди.
Туринликлар А Сериянинг жорий мавсумида ҳали мағлубиятга учрамаган, бироқ Тиаго Мотта шогирдлари ўтказган 16 учрашувнинг 10 тасида дуранг натижа қайд этилган. "Бьянконерилар" пешқадам "Аталанта"дан 9 очко ортда қолган ҳолда турнир жадвалида олтинчи ўринни эгаллаб турибди.
"Манчестер Сити", "РБ Лейпциг" ва шунга ўхшаш жамоаларга қарши ўйнаганимизда, биз максимал концентрацияга эга бўламиз. Гап шундаки, биз доимо шу менталитетни сақлаб қолишимиз керак. Бу муносабат ҳатто жадвалнинг энг қуйи қисмида жойлашган рақибларга нисбатан ҳам сақланиб қолиши керак", деди Маккенни La Gazzetta dello Sport нашрига.
