"Манчестер Юнайтед" расмий сайтининг хабар беришича, Алекс Фергюсондан сўнг унинг ёрдамчиси Майк Фелан ва дарвозабонлар мураббийи Эрик Стил ҳам истеъфога чиққан.
"Мен клуб номидан Майк ва Эрикка қилган меҳнатлари учун ташаккур айтмоқчиман. Яқин кунларда мураббийлар штабида ишлайдиган мутахассисларни ҳам аниқлаб оламиз. Ҳозирча эса, Майк ва Эрикка келажакдаги фаолиятларида омадлар тилайман", дейди 1июльдан бошлаб расман "МЮ" бош мураббийи бўладиган Дэвид Мойес.
"Қизил иблислар"нинг собиқ футболчиси бўлган Майк Фелан 2001 йилдан бошлаб мураббийлар штабида ишлай бошлаган бўлса, 2008 йил сер Алекс Фергюсон уни ўз ёрдамчиси этиб тайинлаганди. Эрик Стил эса 2008 йилдан жамоада фаолият олиб бораётган эди.
