"Байер" бош мураббийи Хаби Алонсо иш жойини ўзгартиришга шошилмаяпти.

Испаниялик собиқ футболчи 2022 йилнинг октабридан буён "доричилар"ни бошқариб келмоқда ва унинг амалдаги шартномаси 2025/26 йилги мавсум охирида якунига етади. Bild нашрининг ёзишича, Алонсо "Байер" раҳбарияти билан жуда яхши муносабатда, мураббийнинг оиласи эса Леверкузенда жуда хурсанд. Мутахассис яқин келажакда клубни тарк этиш ҳақида жиддий ўйлаб кўриши мумкин бўлган ягона сценарий бу "Реал Мадрид" таклифидир.

Хаби Алонсо "Лос Бланкос" бошқарувидаги Карло Анчелоттининг потенциал вориси саналади. Италиялик мураббийнинг меҳнат шартномаси 2026 йилнинг ёзига қадар мўлжалланган.