"Ливерпул"нинг икки футболчиси келаси ёзда "Реал"га эркин агент сифатида қўшилиши мумкин. Бу ҳақда Defensa Central хабар бермоқда.

Манбанинг хабарига кўра, "қироллик" клуби раҳбарияти латерал Трент Александр-Арнольд ва марказий ҳимоячи Виржил ван Дейкнинг трансферларини ташкил қилмоқчи. Қайд этиш жоиз, ҳар икки футболчининг мерсисайдликлар билан шартномаси олти ойдан кейин якунига етади.

Ван Дейк жорий мавсумда “Ливерпуль” сафида 22 та ўйинда майдонга тушиб, 2 та гол ва 1 та голли узатмага муаллифлик қилган. Трент ўз навбатида "қизиллар" сафида 21 та учрашувда қатнашиб, 5 та голли узатмани қайд этди.