Кристофер Нкунку “Челси”ни тарк этишга яқин турибди. У "Барселона"ни янги клуб сифатида кўради.
Ҳужумчи "аристократлар"ни тарк этиш ниятида ва у барқарор ўйин амалиётига эга бўладиган кучли жамоанинг бир қисми бўлишни истамоқда. Агар бу трансфер шартларидан бири бўлса, Нкунку Каталония лагерида камроқ маош олишга ҳам тайёр.
Қайд этилишича, франциялик футболчи қишда клубини ўзгартирмоқчи. Аммо молиявий қийинчиликлар туфайли "блауграна" январ ойида ўйинчиларни сотиб олишни режалаштирмаяпти.
Жорий мавсумда у "Челси" сафида Англия Премер-лигасининг 16та учрашувида майдонга тушди.
