"Манчестер Сити" вингери Жек Грилиш қишда жамоасини ўзгартириши мумкин.
«То The Lane and Back» маълумотларига кўра, "Манчестер Сити" 29 ёшли футболчини январь ойидаёқ сотиб юбормоқчи. "Тоттенхэм" сўнгги ҳафталарда Грилишга қизиқиш билдирган, "шпорлар" аллақачон футболчи билан алоқага чиққан.
Шу билан бирга, манбанинг таъкидлашича, Грилишнинг юқори маоши туфайли қишда тўлиқ трансфер амалга ошиши даргумон. Катта эҳтимол билан бу ижара шартномаси бўлади.
Жорий мавсумда ҳужумчи барча турнирларда 18 та учрашувда майдонга тушиб, 2 та голли узатмани амалга оширди.
