Бугунги "Челси"нинг етакчиларидан бири Энцо Фернандес "кўклар" лагеридаги даврлари ҳақида гапирди.
"Мен келганимда бу ердаги дастлабки олти ой жуда оғир ўтди: мураббийлар алмашди, клубда ишлар унчалик яхши кетмади, жароҳатлар бор эди. Мен уларни енгишга муваффақ бўлдим ва шундан бери биз яхши ҳаракат қилмоқдамиз.
Мен буни масъулият билан қабул қилишга ҳаракат қилдим. Майдонда кўрсатган ўйинимдан норози бўлдим, кейин жароҳат олдим, кўп ёмон воқеалар содир бўлди, олдинга ўтишга ҳаракат қилдим, лекин бугун ўзимни жуда яхши ҳис қиляпман, жамоа ҳам шундай ва биз ҳам шундай давом этишимизга умид қиламиз", - дея Фернандесдан иқтибос келтиради ESPN.
