"Реал Мадрид" "Аталанта"нинг 25 ёшли бразилиялик ҳимоячи ярим ҳимоячиси Эдерсонга қизиқиш билдирмоқда, баъзи Италия ОАВлари уни "янги Каземиро" деб атамоқда. Бу ҳақда Defensa Central хабар берди.
Манбага кўра, "Қироллик клуби" Бергамо клуби футболчисини узоқ вақтдан бери кузатиб келган ва у ҳақида батафсил ҳисоботларга эга. Таъкидланишича, "Аталанта" Эдерсонни 60 миллион евро эвазига қўйиб юбориши мумкин "Манчестер Юнайтед" ҳам бразилиялик ярим ҳимоячига қизиқиш билдирмоқда.
Эдерсон жорий мавсумда барча турнирларда 23 та ўйинда майдонга тушиб, 2 та гол урди ва битта голли узатмани амалга оширди.
