"Осасуна"да жорий мавсум охиригача ижарада ҳаракат қиладиган "Бавария" вингери Брайан Сарагоса 2024 йилнинг февралида немис клубига ўтганидан бери дуч келган қийинчиликлари ҳақида гапирди.
"Бавария"да менга бажарилмаган кўп нарсаларни ваъда қилишган. Мослашиш учун бироз вақт керак бўлди. Бошқа давлат, тил, таом, чемпионат. Мен бир ой ичида мослаша олмадим.
"Бавария"га ўтганим Мюнхен клуби учун ҳеч қандай аҳамиятга эга эмаслигини айтишди. Матбуот мени на инглиз, на немис тилини билмаганим учун ўлдирди. Мен уларга эътибор бермадим, лекин ота-онам жуда хавотирда эдилар", - дея Сарагоса сўзларини келтиради Relevo.
Испаниялик футболчи "Бавария" сафида Бундеслигада 7 та ўйин ўтказиб, 171 дақиқани майдонда ўтказди.
