Лондоннинг "Тоттенхэм" клуби раҳбарияти жамоа ҳужумчиси Сон Хён Мин билан ҳамкорликни узайтирмоқчи. Бу ҳақда инсайдер Фабрицио Романо ўзининг ижтимоий тармоқларида маълум қилди.
"Шпорлар" меҳнат шартномасини бир йилга узайтириш вариантини фаоллаштирмоқчи. Томонлар ўртасидаги амалдаги шартнома 2025 йилнинг ёзида якунига етади.
Жорий мавсумда 32 ёшли кореялик ҳужумчи “Тоттенхэм” сафида 20 та учрашувда иштирок этиб, 7 та гол ва 6 та голли узатмага муаллифлик қилган.
Англия чемпионатининг 17-туридан сўнг “шпорлар” 23 очко жамғариб, турнир жадвалида атиги 11-ўринни эгаллаб турибди.
