Londonning "Tottenxem" klubi rahbariyati jamoa hujumchisi Son Xyon Min bilan hamkorlikni uzaytirmoqchi. Bu haqda insayder Fabrisio Romano o‘zining ijtimoiy tarmoqlarida ma’lum qildi.
"Shporlar" mehnat shartnomasini bir yilga uzaytirish variantini faollashtirmoqchi. Tomonlar o‘rtasidagi amaldagi shartnoma 2025 yilning yozida yakuniga yetadi.
Joriy mavsumda 32 yoshli koreyalik hujumchi “Tottenxem” safida 20 ta uchrashuvda ishtirok etib, 7 ta gol va 6 ta golli uzatmaga mualliflik qilgan.
Angliya chempionatining 17-turidan so‘ng “shporlar” 23 ochko jamg‘arib, turnir jadvalida atigi 11-o‘rinni egallab turibdi.
