26 декабрь куни ОКМК клуби раҳбарияти ОАВ билан учрашишга қарор қилди. Унда клуб президенти Абдулла Хурсанов, бош директор Баҳодир Мирзаев, бош мураббий Миржалол Қосимов ҳамда клубнинг бошқа масъул шахслари иштирок этади.
ОКМК 2024 йилда ўзи учун тарихий натижа қайд этиб, илк бор мавсумни кумуш медаллар билан якунлади. Шунингдек, ОКМК U21 ва клубнинг аёллар жамоаси ҳам Ўзбекистон чемпионатларида кумуш медалларга эга чиқди. Мавсум стартида эса ОКМК майдонининг дренаж ва суғориш тизими, майсаси Лига талабига мослаштирилди, стадионни ёритиш тизими минимал талаб даражасида қайта созланди. Айни вақтда клуб академияси фаолиятини босқичма-босқич йўлга қўйиш ишлари давом этмоқда.
Лига ОКМК клубининг ОАВ билан очиқ мулоқотини олқишлайди. Ишонамизки, 2025 йилда бу каби клублар сони кўпаяди.
Маълумот учун, 4 декабрь куни "Пахтакор" клуби раҳбарияти, 11 декабрда эса Лига раҳбарияти ОАВ билан очиқ мулоқотда иштирок этганди.
