"Порту" ярим ҳимоячиси Нико Гонсалес яқин келажакда "Барселона"га қайтиши даргумон.
2023 йилнинг ёзида Каталония клуби ўз тарбияланувчисини "аждарлар"га 9 миллион еврога сотди ва шартномага устувор қайта сотиб олиш банди ва келажакдаги қайта сотиш суммасининг 40 фоизини киритди.
Diario Sport хабарига кўра, "Барселона" Никонинг муваффақиятидан мамнун, бироқ уни сотиб олиш опциясини фаоллаштирмасликка қарор қилган. Бунинг ўрнига "блауграна" раҳбарияти ярим ҳимоячининг бўлажак бошқа клубга ўтишидан яхшигина даромад олишга умид қилмоқда.
Нико Гонсалес бу мавсумда “Порту” сафида 24 та ўйинда майдонга тушиб, 5 та гол ва шунча голли узатмага муаллифлик қилган.
