"Ливерпуль"нинг собиқ футболчиси Иан Раш мисрлик ҳужумчи Муҳаммад Салоҳнинг фаолияти ҳақида гапирди.

"Салоҳ янги меҳнат шартномасини имзолашини истардим. Келажакда нима бўлишини ҳозирча билмаймиз, лекин ишончим комилки, жамоанинг ҳар бир мухлиси буни хоҳлайди. Муҳаммад - асосий жамоанинг барқарор ўйинчиси, шунинг учун мен жамоани тарк этиш учун ҳеч қандай сабаб кўрмаяпман", - деди "қизиллар" собиқ футболчиси.

Эслатиб ўтамиз, мисрлик вингер 2017 йилдан бери мерсисайдликлар клуби шарафини ҳимоя қилиб келмоқда. Салоҳнинг "Ливерпуль" билан амалдаги шартномаси келаси ёзда якунига этади.