"Арсенал" вингери Букайо Сака асосий жамоага илк бор кириб келганида унга ким ёрдам берганини айтди.

"Ҳар бир ёш футболчига илк кунларда озгина ёрдам ва йўл-йўриқ керак – бундай катта жамоага кириш осон эмас.

Давид Луис менга энг катта таъсир ўтказган. Жамоа билан бўлган дастлабки учрашувларданоқ у жамоа машғулотларида мен ҳақимда гапирганини, мен қанчалик яхши эканлигимни айтганини эслайман. У менга қанчалик ишонишини ҳаммага айтди.

Ёш футболчи учун буни эшитиш ажойиб. Ростини айтсам, у буни қилганидан ҳайратда қолдим. Шундан сўнг у мени ўз қаноти остига олиб, маслаҳат берди. У нафақат мен, балки барча ёш футболчилар ёнида эди", — деди Сака.