"Челси" клуби Англия чемпионатининг 18-тур доирасида "Фулхэм"га қарши уй учрашувида мағлуб бўлди (1:2).  

16-дақиқада ҳисобни Коул Палмер очди. У ушбу гол билан "Челси" тарихида календарь йил давомида урилган энг кўп гол рекордини янгилади (26 та гол).  

"Фулхэм" эса 82-дақиқада Харри Уилсоннинг голи билан ҳисобни тенглаштирди. Родриго Мунис эса 95-дақиқада ғалаба голини уриб, жамоасига уч очко олиб келди.  

"Челси" кетма-кет иккинчи учрашувда очко йўқотиб, 8 та ўйинлик мағлубиятсиз сериясини тугатди. Жамоа ҳозирда 35 очко билан турнир жадвалида 2-ўринда жойлашган. "Фулхэм" эса 28 очко билан 8-поғонани эгалламоқда.  

Келгуси турда "Челси" сафарда "Ипсвич"га қарши ўйнайди, "Фулхэм" эса "Борнмут"ни қабул қилади.  

АПЛ, 18-тур
Челси – Фулхэм 1:2 (1:0, 0:2)
Голлар: 1:0 – 16 Палмер, 1:1 – 82 Уилсон, 1:2 – 90+5 Родриго Муниз.
Челси – Санчес, Кукурелья, Колуилл, Адарабиойо, Гюсто, Кайседо, Фернандес, Палмер, Санчо, Нету, Жексон (Нкунку, 73).
Фулхэм – Лено, Басси, Андерсен, Диоп, Кастань, Робинсон, Лукич, Перейра (Кэрни, 73), Ивоби (Сессеньон, 90+2), Траоре (Уилсон, 67), Хименес (Родриго Муниз, 74).
Огоҳлантиришлар: Лукич (34), Андерсен (38), Нету (59), Робинсон (90+1).