"Ливерпуль" ярим ҳимоячиси Кёртис Жонс Юрген Клопп жамоа билан алоқани давом эттираётганини тан олди.
Немис мутахассиси ўтган мавсум якунланганидан сўнг "қизиллар" устози лавозимини тарк этганди. Эндиликда мерсисайдликлар Арне Слот бошчилигида Премьер-лига турнир жадвалида пешқадамлик қилмоқда.
“Мен бу ерга Юрген ва унинг менга бўлган ишончи туфайли келдим. Ундан ва мураббийлар штабидан миннатдорман.
У кетганидан бери мен ундан тинмай хабарлар оламан. У бутун жамоа билан алоқада. Ажойиб инсон. Юрген пойдевор қўйди ва Арне Слот бошлаган ишини давом эттирмоқда”, деди Жонс.
