"Тоттенхэм" бош мураббийи Анге Постекоглу "Вулверхэмптон"га қарши ўйиндан олдинги фикрлари билан ўртоқлашди.
"Кеча улар "Манчестер Юнайтед"ни мағлуб этиб ажойиб натижага эришди. Уларда бизга муаммо туғдириши мумкин бўлган жуда юқори сифатли ўйинчилар бор. Бу ҳақиқатан ҳам биз учун жуда муҳим ўйин, жамоа энг яхши даврни бошдан кечирмаяпти, ғалаба қозониш орқали ундан чиқиш вақти келди.
"Вулверхэмптон"да янги мураббий қўл остида ўзгаришлар юз бердими? Ўйлайманки, янги мураббийнинг келиши жамоага туртки беради, ҳар бир футболчи ўзининг энг яхши версиясига айланишга ҳаракат қилади. Аммо яна бир бор такрорлайман, биз ҳар доим "Вулверхэмптон"да бизга муаммо туғдирадиган юқори савияли футболчилар борлигини тушунганмиз", - деди Постекоглу.
