"Барселона"нинг собиқ ярим ҳимоячиси, ҳозирда ЦСКАда ўйнаётган Миралем Пьянич босниялик футболчи Каталония клубида ўйнаган даврда "кўк-анорранглилар" вингери Ламин Ямал билан боғлиқ бўлган суҳбатларни эслади.

"Мен Ламин Ямалнинг тўп билан қандай ишлашини яхши кўраман. Мен "Барселона"да бўлганимда, у ҳақида аллақачон гапиришган эди. Одамлар менга унинг келажакдаги юлдуз бўлишини айтишганди ва улар ҳақ бўлиб чиқди. Уни ҳимоя қилиш керак, чунки у юксак истеъдод эгаси", - деди Пьянич Mundo Deportivo билан суҳбатда.

Эслатиб ўтамиз, Пьянич 2020 йилдан 2022 йилгача "Барселона" футболчиси бўлган.